المؤثرة الاجتماعية “روني صباحي”: (مبسوطة لوصولي هذا العمر بدون زواج)!

الخرطوم: سودان لايت

 

 

كتبت المؤثرة الاجتماعي على السوشيال ميديا “روني صباحي”:

سلام ..

اول حاجه مبروك وصولي إلى 250 الف صديق،  حابه اتكلم عن حاجة مهمة جدا خصوصا للبنات البتابعوني و الاولاد برضو يا جماعة انا عمري داخله في ال31 سنة ما اتزوجت و لا ولدت مع انو لمن كنت مراهقة كان ده اكتر يوم بحلم بيهو.

يا جماعة انا دايره اقول اني مبسوطة شديد اني وصلت العمر ده بدون زواج و شاكرة لكل لحظة عشتها براي و اضطريت اعتمد على نفسي و القا مصدر قوتي جواي.

انا بقيت روني روني الفنانة المختلفة الشجاعة المؤمنة بنفسها قبل اي شي انا بقيت قوية و قوة  تحملي تهز الجبال انا بقدر اشيل بيت براي بقدر اشيل المسؤولية.

بقيت انسانه عظيمة عندي اثر كبير في مجتمعي قبال ما حتا ابدا تسجيل الاغاني قبال اي شي عرفت انا منو اتعلمت اعيش و اشكر و استمتع بكل لحظة انا عارفه انو لمن اتزوج حاكون افضل شريكة و متاكدة اني حاكون افضل ام لاني اتعلمت قبل كل شيء اكون انسان ما تستعجلوا اصلا الدنيا قصيرة ما سباق فئران.

اخدو وقتكم اتعرفوا على نفسكم عالجوا حاجاتكم مافي زول حيعالجها غيرك و لمن تبقا جميل من جوه حتجذب كل شيء جميل و حتا الوقعو في فخ الزواج قبل ما يكونوا مستعدين باب الله مفتوح ارجع سنة اولى و راجع نفسك تاني، تعلم تكون الحب قبل ما تحب، انا شاكرة شديد شديد شديد.

روني صباحي

إضغط هنا للإنضمام لقروبات الواتسب



1 Comment
  1. idrali says

    الخبرة والاحتكاك لها عامل كبير……
    تحياتي

Leave A Reply

Your email address will not be published.