زيادة مهولة في أعداد الشباب المتحلقين حول ستات الشاي بالخرطوم

كتبت الصحافية عائشة الماجدي: 

زيادة أعداد الشباب على كراسي ستات الشاي بصورة كبيرة على طول الطريق تحت ضل اي شجرة أو بناية توجد سيدة شاي يتحلقون حولها مجموعة شباب تمر بذات الطريق مساء اليوم تجدهم في نفس كراسيهم …

انا أعرف أن البلد بها أزمة عامة لكن لا يمنع على الاقل الشباب أن  يتحولوا إلى شباب منتج …

ابسط شئ لو بعت موية في جركانة في الشارع بتجيب مصاريف يومك ..لو دقشت السوق دا واشتغلت اي مهنة ان شاءالله عتالة بتريحك من العطلة، لكن قعدة ستات الشاي ما بحقق ليك حلم ولا مستقبل وبضيع سنينك وبعدين بتندم
….
ابدأ بشغل بسيط بكرة بتكبر وبتصبح اسم كبير في السوق، ادعموا الشباب للإنتاج.

عائشة الماجدي

إضغط هنا للإنضمام لقروبات الواتسب



1 Comment
  1. Omer Ali says

    يتم دعمه كيف وفي بلد ااالف حرامي ليس مهتمين بشأنهم ولا توفير مشاريع صغيرة ليهم السودان تم تقسمه ما بين برهان و حميدتي و حركات مسلحة كل الموارد الدولة هم من يسيطرون عليه و يسيرونهم انا الان شغال عتالة وفي يوم كله ٤٠٠٠ الف من شاي و القهوة و الفطور و مواصلات دي براهم ٢٠٠٠ الف حاجة تسير بيها و فوق داا طالب لا تقدر تقول شغال عشان تعمل مشروع ولا تقدر تنزل مراكز تدريب عشان تأهل نفسك في مجالك و فوق دا كله ما عايز وظيفة عايز اكسب خبرة و اسس عملي الخاصة طال ما بلد دي يمشوه عملاء عملاء و يتم تمرير أجندة خارجية والان ليس لديهم سيادة كل يوم بملئهم أجندة تحت طاولة و جارين الخليج انا لا ادعم عسكرين ولا قحت كلهم اتضحوا منو هم لكن ناس البسطاء زيكم بحكموا من برا او خلال مروركم علي الطريق ما لم تفهمو الحاصل ليهم شنو لن تساعدو في حلة مشكلة نعم العمل افضل لكن حتي طريقة العمل تقليدية شنو طالب جامعي بعمل في جركانة موية وطيب العاديين بيشتغلوا شنو انا من ضمن الشباب الذين فقدوا الامل.
    وقت الثورة و شهدائنا و اصدقاء و زملائي تعرضوا لغيره من انواع التنكيل و السهل و جميع صنوف العذاب وفي نهاية يجي ناس قحت و العسكر نعم هم عايزين يمشوا علي كيفهم خلي يعملوا دايرنهم بالسودان و شعبه اذا ازيح طاغي يأتون بطاغي اخر تأكدنا تمام انو الشعارات التي قيلت طيلت الفترة صار هباء منثورا .
    كانت لدي رؤيتي و احلامي لمساعدة و بناء سودان جديد نحافظ علي ما تبقي من وحدته و نعمل للمستقبل ولكن اصبح كل شئ في سراب

Leave A Reply

Your email address will not be published.